Flamuri Shqiptar - dy krena?

[Armend]

Wikipedia kann man auch nicht alles glauben weil dort normale 0815 Menschen reinschreiben. Natürlich wird das kontrolliert doch wer von denen Kontrolören war dabei alt Skenderbeg in den Krieg zog ?

@Armend
kenn mich leider in diesem gebiet nicht aus
hatte dieses gefunden und es als beitrag hier rein gestellt
wenn dies nicht so stimmen sollte dann kann man mich ja eines besseren belehren

Jööööö das hast du süss formuliert
Ich sagte nicht das dass was du geschrieben hast nicht stimmt sondern das man nicht alles glauben sollte was im Wikipedia steht.
So nach deinen Kommentaren und Erkenntnissen kann man ruhig sagen das du inteligent bist
tungi

[Bandita]

Wikipedia kann man auch nicht alles glauben weil dort normale 0815 Menschen reinschreiben. Natürlich wird das kontrolliert doch wer von denen Kontrolören war dabei alt Skenderbeg in den Krieg zog ?

@Armend
kenn mich leider in diesem gebiet nicht aus
hatte dieses gefunden und es als beitrag hier rein gestellt
wenn dies nicht so stimmen sollte dann kann man mich ja eines besseren belehren

Jööööö das hast du süss formuliert
Ich sagte nicht das dass was du geschrieben hast nicht stimmt sondern das man nicht alles glauben sollte was im Wikipedia steht.
So nach deinen Kommentaren und Erkenntnissen kann man ruhig sagen das du inteligent bist
tungi

[egnatia]

Sipas studiuesve të historisë: Shqiponja dykrenare është simbol i pushtetit. Flamuri kombëtar, simboli i respektuar nga shqiptarët, bazuar në studimet historike, e ka prejardhjen nga një vulë e heroit kombëtar shqiptar Gjergj Kastriot Skëndërbeu, i cili udhëhoqi shqiptarët kundër perandorisë osmane, duke i sjellë trojeve shqiptare pavarësinë për një kohë të shkurtër (1443 - 1478). Shqiponja ishte pjesë e emblemës së familjes Kastrioti, e cila e ka zanafillën në perandorinë bizantine. Shqiponja me dy krerë është përdorur si simbol që në shekullin e shtatë p.e.s në Turkmenistan. Ndërsa shqiponja e zezë me një kokë është përdorur si simbol në perandorinë romake dhe me përhapjen e Krishtërimit u përdor edhe nga kisha katolike. Shqiponja dykrenare është përdorur për herë të parë nga perandori me origjinë iliro - shqiptare Konstandini (306 - 337), themeluesi i Konstandinopojës, duke i krijuar perandorisë romake dy qendra administrative; Romën dhe Konstandinopojën dhe shqiponja simbolizonte këto dy vende. Gjatë sundimit të perandorit iliro - shqiptar, Justiani i Parë ( 527 - 565), u bë bashkimi i dy kishave dhe si simbol i përbashkët kishtar u bë shqiponja dykrenare, prandaj gjendet si simbol nëpër kishat mesjetare të Shqipërisë dhe Ballkanit.

Si simbol pushteti në Shqipëri, shqiponjën e kanë përdorur familjet shqiptare sundimtare si Kastriotët, Arianitët, Muzakajt, Topiajt, Gjurashët, po ashtu dhe Çernojoviçët e Malit të Zi. Duke përdorur shqiponjën si simbol të pushtetit të tyre, dëshmohet se këto familje kanë qenë funksionare të larta gjatë Perandorisë Bizantine. Sipas studiuesve, me shembjen e Perandorisë Bizantine në vitin 1453, shohim që nga Skëndërbeu u përdor edhe ngjyra e flamurit të Bizantit dhe me këtë donte të tregonte se ishte vazhdues i pushtetit paraosman, megjithëse i bëri dallime qoftë stemës dhe flamurit, për ta dalluar nga ai i Bizantit. Në vulën e Skëndërbeut, ku është shqiponja dykrenare, ndërmjet dy krerëve të saj është vendosur një yll me 6 cepa. Mbi këtë yll është një yll tjetër me 8 rreze. Kurse në stemën e Kastriotëve që është gdhendur 2 herë në varrin monumental të nipit të Skëndërbeut, Kostandin Kastrioti, ylli është me 8 cepa dhe mbi krerët e shqiponjës janë dy kurora mbretërore. Me këto simbole Skëndërbeu tregonte pretendimin se kishin prejardhje nga Aleksandri i Madh, gjë që e kemi të shprehur në epigrafin e Alfonsit në një kishë të Valencias në Spanjë.

[egnatia]

Lexoni një artikull interesant për historinë e flamurit shqiptar në këtë link: http://gazeta-shqip.com/lajme/2012/11/0 ... -kombetar/

"Flamuri i Kombit Shqiptar; origjina, lashtësia”, botim luksoz i shtëpisë botuese “Saras”, i studiuesit Jaho Brahaj sjell për herë të parë të dokumentuar origjinën e simbolit të flamurit tonë, përmes një pune më se 10-vjeçare në arkiva "

Oliverta Lila

“Flamuri i Kombit Shqiptar; Origjina, lashtësia” është botimi më i ri i shtëpisë botuese “Saras” dhe një kontribut për simbolin kombëtar në këtë 100-vjetor të Pavarësisë. Studiuesi Jaho Brahaj, pas një pune më se 10-vjeçare, duke hulumtuar në arkiva, në artefakte arkeologjike e objekte etnografike, sjell një këndvështrim interesant të zanafillës së shqiponjës dykrenare, simbol që e trashëgojmë edhe sot në flamurin kombëtar. Ky ribotim luksoz(vëllimi i parë i takon vitit 2007), redaktuar nga kryetari i Shoqatës së Koleksionistëve Shqiptarë, Bajram Peçi, është pasuruar me fakte të reja interesante dhe me ilustrime të disa prej flamujve historikë që trashëgojmë sot e kësaj dite. Brahaj e çon zanafillën e shqiponjës dykrenare në shek e VI. p.e.s, duke hedhur poshtë pretendimet që e lidhnin këtë simbol me prejardhjen bizantine. Jaho Brahaj nuk e quan këtë një vëllim të përfunduar, megjithatë, ky është vëllimi i parë që hulumton në përmasa të tilla origjinën dhe lashtësinë e flamurit kombëtar.

“Flamuri i Kombit Shqiptar; Origjina, Lashtësia” vjen si një ribotim luksoz nga shtëpia botuese “Saras”. Cila ishte shtysa për të bërë këtë studim mbi flamurin tonë?

Në vitin 1997 unë kam botuar librin e parë që i kushtohej heraldikës së trashëguar, “Emblema shqiptare”. Atëkohë kisha dyshime për ta botuar, por profesor Dhimitër Shuteriqi më këshilloi se ishte momenti i duhur dhe kishte të drejtë. Libri u prit mirë, i vlerësuar edhe me një çmim nga Ministria e Kulturës dhe Akademia e Shkencave për librin historiko-shkencor. Pjesë e këtij libri ishte edhe një kapitull i shkurtër mbi historinë e flamurit shqiptar, ndaj edhe më lindi dëshira të gjurmoja në arkiva dhe materiale të ndryshme për të krijuar një studim më të plotë. Kërkimi vazhdoi përgjatë 10 vjetëve, deri më 2007 kur arrita të botoj variantin e parë. Ky ribotim që kemi në dorë, është i plotësuar me fakte të reja. Mjafton të përmend që botohet për herë të farë si fotografi harta “Portollane” e Paolo Rosellit e vitit 1459, ku duken portet e Mesdheut dhe në çdo qytet ka flamuj. Flamurin shqiptar e gjejmë në Krujë, duke na dhënë kështu dëshmi autentike se si ka qenë flamuri i Skënderbeut në kohën kur ishte gjallë, pavarësisht se sot nuk e kemi si objekt fizik.

Libri-flasmurit
Vula-e-Skenderbeut
Flamuri-kombetar-2
Flamuri-kombetar-1

Cilat janë arkivat që keni studiuar apo dokumentet mbi të cilat bazoheni për tezat e paraqitura në botim?

Janë shqyrtuar artifakte arkeologjike, mite, objekte të etnologjisë që kanë të bëjnë me kultin, hajmali, është hulumtuar në mitologji dhe mite që i kushtohen kultit të shpendit dhe kultit të shqiponjës, pastaj në dokumentacionin e pasur që kanë botimet shqiptare që nga Barleti, arbëreshët, shtypin e para 1912-s, duke i shtuar librit edhe një studim mbi tipin e vulave të Skënderbeut, ku rezulton se shqiponja nga ana grafike është e njëjtë dhe ndryshimi ka filluar më 1899 me stampimin e flamujve kombëtarë në Bruksel, drejtuar nga Faik Konica dhe mendimin e rilindësve të tjerë.

Në fakt, për të prekur boshtin e librit, cila është sipas jush origjina e flamurit shqiptar?

Të flasësh për shqiponjën tonë dykrenare nuk është shumë e lehtë sepse ka pasur shkrime të ndryshme sidomos nga fillimi i shek. XX, por edhe në vazhdimësi që ia atribuonin shqiponjën dykrenare të flamurit tonë Bizantit. Është e vërtetë që Bizanti në shek. IX të erës sonë e këtej ka shqiponjën bizantine në simbolet heraldike, po ashtu e pati edhe kisha ortodokse. Kur u futa në pasurinë e madhe arkeologjike, kultike, gdhendjet artizanale të së shkuarës, na rezultoi që ne(ilirët) e kemi të paktën të dokumentuar saktësisht shqiponjën dykrenare që në shek VI para erës së re shqiponjën dykrenare. Kjo nuk do të thotë se e kishin vetëm ilirët, sepse e gjejmë edhe te hititët, një perandori që e kanë pasur shtrirjen e tyre në Turqinë e sotme, e po ashtu e kanë pasur edhe iranianët.

Çfarë i dallonte këto shqiponja?

Ne si popull vazhduam ta ruajmë dhe ta mbajë në ornamente, objekte metalike, arkeologjike, ta kemi si kult. Bizanti e ka marrë si simbol nga ato popullsi mbi të cilat u shtri dhe u zhvillua. Pjesë e Bizantit ishte edhe popullsia ilire ballkanase, e duke qenë se ne e kemi të dokumentuar shqiponjën dykrenare në shekullin VI, mund të thuhet se Bizanti e mori nga ne. Ajo ka qenë bashkudhëtare gjatë periudhës historike nga shekulli VI p.e.s deri në ditët e sotme, periudhë kjo e dokumentuar, por mund të ketë qenë edhe më parë tek ilirët. Fati e solli që ky objekt i dashur të ishte emblemë e derës së Kastriotëve, paraardhësve të Gjergj Kastriotit, ashtu siç thotë Barleti. Duke qenë se në mbledhjen e princërve shqiptarë në 2 mars 1444 Skënderbeu u vendos komandant i përgjithshëm, atëherë flamuri ishte edhe flamuri i të gjitha forcave administrative ushtarake të arbërve e prej këtu fillon të jetë flamur përfaqësues i kombit shqiptar, për të mbërritur në ditët e sotme.

Ju folët më lart për një ndryshim të formës grafike të shqiponjës ndër vite. Çfarë e ka kushtëzuar këtë gjë?

Rilindjes shqiptare i kanë rënë detyrat nga më të ndryshme kulturore, shtetformuese etj,. Një nga këto probleme ishte edhe forma grafike e shqiponjës së flamurit tonë, e trashëguar nga dera e Kastriotëve. Meqenëse në atë periudhë kur donin të afirmonin shtetit tonë, shqiponjën dykrenare e kishte Perandoria Austro-Hungareze, Rusia, Serbia, Mali i Zi, Kisha Ortodokse dhe e ashtuquajtura Lidhje e Shenjtë Romake, rilindësve u doli detyra ta zgjidhnin këtë çështje, ndaj ata e ndryshuan shqiponjën për ta bërë të dallueshme nga këto shenja të shteteve të tjera që ishin afirmuar zyrtarisht me flamujt e tyre në fundin e shek XIX dhe fillimin e shek. XX. Shqiponja e Faik Konicës arriti që të ngrihet më 28 Nëntor 1912. Faktorët dhe kushtet historike ishin shumë të vështira dhe na sollën vështirësi edhe në këtë drejtim. Fuqitë e Mëdha caktuan që princ në Shqipëri do të ishte Vidi dhe ai me të drejtën konstitucionale që kishte, ndryshoi edhe flamurin. Sapo filloi të afirmohej shqiponja e Princ Vidit plasi Lufta e Parë Botërore, e cila solli një ndryshim edhe më të madh, duke gjetur një balancë mes shqiponjës së vitit 1912 dhe asaj të Princ Vidit. Pati forma nga më të ndryshme të shqiponjave dykrenare, periudhë e cila vazhdoi deri më 1922 kur kemi për herë të parë nga administrata shtetërore e rikrijuar pas Ismail Qemalit që ka akt administrativ për formën grafike të shqiponjës sonë kombëtare.

Sot vazhdon të ketë një diskutim të hapur për flamurin që është ngritur në Vlorë më 1912. Cila është teza jote në këtë pikë?

Se cili është flamuri që u ngrit në aktin e kuvendit të pavarësisë, kjo vazhdon të mbetet një çështje e hapur. Unë kam dokumente që mbështesin njërën tezë, por duket se ky diskutim tashmë është kthyer në problem pasionesh se sa i bazuar në dokumentacion. Për sa i përket formës së shqiponjës dykrenare nuk ka dyshime, pasi kemi dokumentin zyrtar të qeverisë së Vlorës që e ka botuar në gazetën e saj, e ku bëhen edhe shpjegimet përkatëse, duke treguar se fotografia bardhezi paraqiste edhe disa vijëzime të cilat nuk ishin të vërteta në flamur. Ne e dimë saktësisht se cila është forma e flamurit dhe ajo që na intereson në këtë debat forma grafike e shqiponjës, pavarësisht se ende edhe në këtë rast nuk e trashëgojmë këtë flamur.


Vlerësime

Prof. Ramadan Sokoli
“Unë si autor i studimit për ‘Hymin e Flamurit Kombëtar’, leximi i studimit në fjalë, jo vetëm që ishte kënaqësi, por edhe një habi, që më mbushi me emocione për larminë e argumenteve bindëse. Vepra në fjalë ka peshë në studimet albanologjike, por njëherazi në periudhën e trazuar të rrymave e shovinizmave ballkanike, që gjallojnë ende në ditët tona, kjo vepër peshon shumë në brumosjen e ndërgjegjes kombëtare shqiptare dhe i jep përgjigje një teze dhe teme thelbësore të pasurisë identifikuese të kombit tonë”

Prof. Dr. Bardhosh Gaçe
“Është hera e parë që në librin “Flamuri i Kombit Shqiptar” shpjegohet në bazë të hulumtimeve të suksesshme të bazuar në materiale konkrete arkeologjike e etnologjike, se cila është zanafilla e shqiponjës dykrenare, motiv që kombi ynë e ka edhe simbol të flamurit që prej pesë shekujsh. Kësaj teme i kushtohet studimi i autorit Jaho Brahaj, i njohur në fushën e heraldikës dhe të studimeve të historisë dhe kulturës të Mesjetës shqiptare”

Prof. Muzafer Xhaxhiu
“Duke lexuar veprën me kureshtje dhe me interesin e një njeriu, që është marrë pak a shumë me këtë problem, m’u krijua bindshëm përshtypja se në studim argumentohet se ka vijimësi organike motivi e kulti i shqiponjës në mijëravjeçar në pasurinë materiale e shpirtërore të popullit tonë. Konkretisht motivi i shqiponjës trajtohet që në faqet e para, pastaj trajtohen motive të tjera si ai i diellit, i bukës, hajmalisë(amuleta), për t’u kthyer dhe rimarrë përsëri motivi i shqiponjës”

Prof. Zymer Neziri
“Në këtë vepër ka peshë edhe paraqitja kronologjike për përdorimin e flamurit në viset shqiptare të mbetura dhunshëm jashtë kufijve: ndalimi sekret i flamurit në janar 1945 nga KQ i PKJ dhe i Shtabit Suprem; përdorimi i rij suprem më 28 Nëntor ’44 dhe kremtimi i lirë në tërë Kosovën. Rezultatet e deritanishme të studiuesit Jaho Brahaj dhe monografia e tij e fundit për flamurin tonë kombëtar na bind se nuk mund të shkruhet për përpjekjet dhe sukseset e mbërritura ndër ne në fushën e heraldikës, të etnokulturës, të studimeve historike mesjetare, pa punën dhe përkushtimin në biblioteka, në arkiva e në terren”.