albanien.ch Forum

Të shtunën më 28.10.2006 në Hannover të Gjermanisë:


Shënohet 10-vjetori i botimit të„Doruntinës“

* Me këtë rast Familjes Jashari për merita në Lirinë e Kosovës dhe ruajtjen e identitetit kombëtar, do t´i ndahet Çmimi KRENARIA E KOMBIT, kurse bashkëpunëtorit më të mirë të kësaj reviste do t´i ndahet Pena e Artë e „Doruntinës“.
* Po ashtu arsimtarëve që kanë bashkëpunuar me këtë revistë, do t´u ndahen mirënjohje.
* Do të organizohet edhe Ora letrare e „Doruntinës“, ku krijimet e tyre letrare do t´i lexojnë krijuesit që jetojnë e krijojnë në diasporë.
* Manifestimin do ta mbyllë SHKA „ABETARJA“ nga Hanoveri , me një program të zgjedhur muzikor me këngë e valle burimore shqipe.

Redaksia e „Doruntinës“ të shtunën, më 28.10.2006, shënon solemnisht10-vjetorin e botimit të kësaj reviste për fëmijët në mërgim.
Siç dihet, numri i parë i „Doruntinës“ doli në shtator të vitit 1996. Gjatë këtyre viteve të botimit të saj, „Doruntina“ ishte dhe është në shërbim të fëmijëve mërgimtarë, duke u sjellë atyre informata nga Atdheu dhe nga diaspora. Sot kjo revistë është bërë shumë e dashur për fëmijët mërgimtarë, duke shërbyer si abetare dhe alfabet i Atdheut të tyre.
Në shënimin e këtij përvjetori janë ftuar të marrin pjesë: Ambasada e Republikës së Shqipërisë në Berlin, përfaqësuesi shqiptar në Ambasadën e Maqedonisë në Berlin, Familja Jashari nga Prekazi i Drenicës, Ministria e Arsimit, Shkencës e Teknologjisë të Kosovës, Instituti Kombëtar për Diasporë në Ministrinë e Punëve të Jashtme të Republikës së Shqipërisë, Lidhja e Arsimtarëve Shqiptarë „Naim Frashëri“ në Gjermani, Suedi, Austri e Norvegji, përfaqësuesit e tri partive politike në Gjermani (LDK, PDK e AAK), poetë, gazetarë, intelektualë, veprimtarë, përfaqësues të mediave të shkruara dhe elektronike, klube e shoqata shqiptare etj.
Me këtë rast do të flitet për rolin, rëndësinë dhe kontributin e revistës „Doruntina“ në ruajtjen e identitetit kombëtar të fëmijëve tanë në mërgim.
Redaksia e „Doruntinës“ me këtë rast festiv e solemn Familjes së nderuar Jashari, për merita në Lirinë e Kosovës dhe ruajtjen e identitetit kombëtar, do t´i ndajë Çmimin KRENARIA E KOMBIT. Ndërkaq për të tretën herë do të ndajë Çmimin Pena e artë e „Doruntinës“, që do t´i ndahet bashkëpunëtorit më të mirë të kësaj reviste (më parë ky çmim u është ndarë arbëreshit që jeton në Heidelberg të Gjermanisë Dr.Vinçenz Gollettit dhe poetit e gazetarit Dashnim Hebibi).
Në kuadër të këtij përvjetori, organizohet edhe Ora letrare e „Doruntinës“, me ç´rast krijimet e tyre letrare do t´i lexojnë disa nga krijuesit që jetojnë e krijojnë në diasporë.
Redaksia e „Doruntinës“ do të ndajë mirënjohje edhe për arsimatrët që kanë një bashkëpunim të mirë me këtë revistë dhe që këtë e shpërndajnë tek nxënësit e tyre.
Manifestimi do të mbyllet me një koncert të bukur me këngë e valle shqipe që do të shfaqë SHKA „Abetarja“ nga Hanoveri, si dhe recitime e pjesë të luajtura skenike të nxënësve tanë.
Me këtë rast, Redaksia e „Doruntinës“ fton të gjithë bashkatdhetarët në Hanover e Gjermani, poetë e krijues në mërgim, gazetarë, intelektualë, arsimtarët e nxënës të shkollës shqipe në GJermani e mbarë diasporën tonë, të marrin pjesë në shënimin e këtij përvjetori.
Manifestimi mbahet në Shtëpinë e Kulturës Freitzeitheim Linden, Windheim Str. 4, Hannover dhe fillon në orën 13.30 min.
Për ata që udhëtojnë me tramvaj - linja numër 10, drejtimi Ahlem, zbritja në stacionin Leinau Straße.
Hyrja është gratis.

Për informata në tel. 0163 65 36 68 8.
E-mail: revista-doruntina@hotmail.de

Miss Kosovarja hat geschrieben: Wir werden auf jeden Fall da sein, vielleicht frifft man ja den einen oder anderen aus dem Forum.