k princess
han erst jetzte gseh das gschriebe häsch....
also du machsch mer es paar falschi vorwürf
besser gseit du känsch mini vorstellig vonere guete frau nöd und was mänsche und mänscheit betrifft hani scho bi paarne biträg mini meinig güsseret...
hehe ich han nöd e "phase" dass ich dänke e frau muess perfäkt für mich si oder dassi mich für pärfekt halte...
was mich persönlich betrifft tueni nüt verlange oder han nöd unrealistische träumerische vorstellige...
ich verlange nüt wo ich nöd sälber chönti gäh... und um beste fall wott ich gar nöd miss perfekt, wänn scho dänn bini froh wänni öppert triffe oder känne lerne wo mir entspricht... dass heisst das vo mir und vo ihre us am andere gnueg vo allem vorhande isch (usgseh,charakter usw.) wo am andere gfallt eso dass chönt gfühl cho, ob gfühl chömed oder nöd isch e anderi gschicht, die händ ihri eigene regle... aber es chan trotzdem e gueti fründschaft werde
stimmt nöd ganz ich mache allne lüüt dä vorwurf wo motze und sich beklage tüend aber sälber nüt mached, mer muess nöd mega gschied si zums schaffe sich sälber positiv ändere und versueche au sini umgäbig positiv beiflusse
ich han kei illusione, aber wänn sich jede einzelne mal würd die müeh mache oder wille zeige, dänn isch das scho mal dä ersti schritt zur besserig und das isch scho viel wert
klar chamer nöd alli ändere oder sind eso stur und blöd wie e wand, aber bi vielne andere chamer durch gueti argument und kritik witer bringe oder sache begrifflich mache, es isch ebe nöd egal will zwangsläufig mit allne mänsche ztue häsch und eso mänsche müend mal of dä bode bracht werde, wänn niemert sich die müeh macht öppis säge oder mache dänn chömed die nie uf dä bode, egal wers isch... ich chan nöd guet und schön läbe wänn ich ständig vo dä umgäbig negativ beiflusst wirde, dänne chasch au nöd immer usem wäg gah, es gaht au nöd darum dass zu viel verlange sondern sminimum und das isch astand und respekt
wämers scho nöd schafft anderi chöne zum positive ändere dänn wenigstens bi sich sälber...